Е-учењето вклучува аквизиција, генерирање и трансфер на знаењето преку употреба на информатичка и комуникациска технологија (ИКТ). За жал, многу од луѓето што нудат услуги од оваа област се обидуваат да го “упростат” овој концепт, или го стеснуваат својот фокус и терминот Е-учење го користат за обичен веб – базиран тренинг. Е-учењето е многу посеопфатана работа која ги комбинира модерните методи на учење со менаџментот на знаењето и нуди методи за подобра евалуација на знаењето.

Технички гледано системите на електронско учење што се користат во светот универзитети се состојат од:

• LMS (Learning Management System) – Обично е веб базиран систем кој служи за менаџирање на курсевите, квизовите, анкетите, предавањата, студентите, професорите, евалуацијата и фидбекот;
• Софтвер за креирање на курсевите и квизовите – прилично едноставен софтвер кој ви овозможува само со неколку клика ос вашата Power Point презентација да создадете онлајн курс;
• Стручна обука – обука за користење и администрирање на CMS – от и софтверот за креација на курсеви, но и како да создадете поефикасни предавања користејќи ги предностите на мултимедијата – слика, звук, видео, анимација...